ФИДЕ Ўзбекистон ютуқларига муносабат билдирди

Халқаро шахмат федерацияси — ФИДЕ матбуот хизмати Самарқанд (Ўзбекистон) шаҳрида ўтаётган 46-Жаҳон шахмат Олимпиадаси-2026нинг 7-туридан сўнгги натижаларни эълон қилди.

Маълумотга кўра, очиқ турнирда Ўзбекистон терма жамоаси олти турдан сўнг якка етакчига айланди. Меҳмонларни қабул қилаётган мезбон жамоа навбатдаги ишонарли ғалабасини қайд этиб, ўз позициясини янада мустаҳкамлади.

Аёллар ўртасидаги мусобақада эса Хитой терма жамоаси ишончли ҳаракатини давом эттирди. Хитой шахматчилари Полша жамоасини 3,5:0,5 ҳисобида мағлуб этди. Қозоғистон аёллар терма жамоаси эса Озарбайжон устидан 2,5:1,5 ҳисобида ғалаба қозониб, турнир жадвалида Хитой билан биргаликда пешқадамлар сафига қўшилди, — дейилади ФИДЕ Instagram саҳифасидаги хабарда.

Эслатиб ўтамиз, 6-турда Жаҳон шахмат Олимпиадасида аёллар терма жамоаси таркибидаги Қозоғистон шахматчилари Озарбайжонни 2,5:1,5 ҳисобида енгган эди. Эркаклар терма жамоаси эса Колумбияга қарши баҳсда 3,5:0,5 ҳисобида ишонарли ғалаба қозонди. Шу тур доирасида Ўзбекистон эркаклар терма жамоаси ҳам мусобақа етакчиси бўлиб турган Ҳиндистон жамоасини 2,5:1,5 ҳисобида мағлуб этишга муваффақ бўлди.

Ушбу натижалардан сўнг аёллар терма жамоалари ўртасида Қозоғистон жамоаси умумий жадвалда Хитойдан сўнг иккинчи ўринга кўтарилди. Эркаклар ўртасида эса Ўзбекистон терма жамоаси 12 очко жамғарган ҳолда якка етакчиликни қўлга киритди.