Ферран Торресдан кейин, “Барса”нинг энг зўр футболчисини ҳам оламиз!
- 15-август, 12:02
- Ali Ahmadxo’jayev
- 0
- Футбол
Европа чемпионлар лигасининг амалдаги ғолиби ПСЖ раҳбарияти “Барселона” клуби ва Испания терма жамоаси ҳимоячиси Пау Кубарсини ўз сафига қўшиб олишга қизиқиш билдирмоқда.
Tuttosport нашри хабар беришича, парижликлар президенти Носир Ал-Хелайфи уни шартномаси 2028 йил ёзигача амал қиладиган бразилиялик сардор Маркиньоснинг келажакдаги ўринбосари сифатида кўришни истамоқда.
Манба маълумотига кўра, Кубарси ёши жуда ёш бўлишига қарамай, ўйинни ажойиб тушуниши, ўзига ишончи, ҳимоядаги ҳаракатларининг аниқлиги ва ҳужумларни ҳимоядан бошлаб қуриш қобилияти туфайли Европанинг кўплаб етакчи клублари қизиқишини ҳам уйғотмоқда.
Жорий ёзда Кубарси Испания терма жамоаси билан бирга жаҳон чемпиони бўлди, шунингдек, турнирнинг энг яхши ҳимоячиси, деб топилди. Аввалроқ инсайдер Фабрицио Романо “Барселона” ва ПСЖ ҳужумчи Ферран Торреснинг 50 миллион еврога трансфери бўйича келишувга эришганини маълум қилган эди.