"Фенербахче" "Реал Мадрид"нинг собиқ футболчисини ўз сафига қўшиб олди

Туркиянинг "Фенербахче" клуби ПСЖ футболчиси Марко Асенсио трансфери ҳақида расман эълон қилди. Томонлар 3 йиллик шартнома имзолашди, шартномада яна бир мавсумга узайтириш имкони ҳам мавжуд.

"RMC Sport" нашрининг хабарига кўра, трансфер қиймати 15 миллион еврони ташкил этди.

Эслатиб ўтамиз, ўтган мавсумнинг иккинчи ярмини Асенсио "Астон Вилла" сафида ўтказиб, АПЛ доирасида 13 ўйинда майдонга тушди ва 3 та гол ҳамда 1 та голли узатма билан жамоасига ёрдам берди.