Федерико Кьеза ҳали ҳам "Ливерпуль"ни тарк этиши мумкин

"Ливерпуль" футболчиси Федерико Кьезанинг жамоани тарк этиши ҳали ҳам эҳтимолдан холи эмас. Ёзда унга А Серия клубларидан қизиқиш бўлган, аммо "қизиллар" италиялик футболчини қўйиб юборишдан бош тортган.

"Football Insider"нинг хабарига кўра, 27 ёшли футболчи сентябр ойида ҳам жамоани тарк этиши мумкин. Унга Саудия Арабистони клублари қизиқиш билдирмоқда, бу мамлакатда трансфер ойнаси 23 сентябргача очиқ қолади.

Ой бошида "Бешиктош" ҳам Кьезани ижарага олишга уринган, бироқ мерсисайдликлар билан келишувга эриша олмаган.

"Transfermarkt" нашрининг портали маълумотича, "Фиорентина" тарбияланувчисининг бозор қиймати 14 миллион еврони ташкил этади. Унинг "Ливерпуль" билан шартномаси 2028 йилгача амал қилади.