Файзуллаев Канадага қарши ўйин олдидан нималар деди?

Ўзбекистон миллий терма жамоаси Жаҳон чемпионатига тайёргарликни давом эттирмоқда. Фабио Каннаваро шогирдлари эртага Канада терма жамоасига қарши ўртоқлик учрашувида майдонга тушади.

Беллашув олдидан жамоа аъзоси Аббосбек Файзуллаев ўз фикрлари билан ўртоқлашди.

"Жаҳон чемпионати олдидан Канадада бизга кўрсатилаётган эътибордан жуда хурсандмиз. Ростини айтсам, бунча кўп мухлисларимиз келишини кутмагандик. Бу албатта ёқимли ҳолат. Худо хоҳласа, Канадага қарши ўйинда мухлисларимизни хурсанд қилишга ҳаракат қиламиз", — деди Файзуллаев.

Маълумот учун, Ўзбекистон — Канада учрашуви Тошкент вақти билан соат 06:30 да старт олади. Мухлислар баҳсни "Zo'r TV" телеканали орқали жонли эфирда томоша қилишлари мумкин.