Европадан жамоа чиқмади, Саудияга кетаман-да!
- 12-май, 16:02
- Zohir Toshxo’jayev
- 0
- Футбол
“Милан”нинг португалиялик ҳужумчи Рафаэль Леаунинг номи келаси ёзги трансфер ойнасида энг кўп муҳокама қилинадиган футболчилардан бирига айланиши мумкин.
Сабаби, ҳозирда унинг номини Яқин Шарқ жамоалари билан ҳам боғлашмоқда. Италиянинг La Gazzetta Dello Sport нашри хабарига кўра, Леау Саудия Арабистонининг “Ал-Ҳилол” клубига ўтиши мумкин.
Ҳозирда мазкур жамоада унинг собиқ шериги Тео Эрнандес тўп сурмоқда. Шунингдек, жамоани Симоне Индзаги бошқаряпти. Қизиғи шундаки, у илгари “Интер” бош мураббийи бўлган.
Манбада таъкидланишича, Индзаги Леауни майдонда тўлиқ куч билан ҳаракат қилишга мажбур қила олиши мумкин. Чунки футболчи баъзан ўйинларда етарлича фаол бўлмаслиги учун танқид қилинади.
“Милан” раҳбарияти билан муносабатлари совуган футболчи ўзига Европа грандлари орасидан жамоа топишга уриниб кўрди. Бироқ ҳеч бир машҳур клуби Леаунинг хизматларини таклиф қилган агентлар билан трансфер бўйича музокарага киришгани йўқ.