"Евро-2024" саралаш босқичи. Қозоғистон эртаги ўз ниҳоясига етди...

"Евро-2024" саралаш босқичида кутилмаган натижани қайд этган Қозоғистон ушбу турнирда иштирок этмайдиган бўлди. 

Қўшниларимиз "H" гуруҳидан ўрин олиб, якунда 4-ўринда қолиб кетди. Тўғридан тўғри саралашдан ўта олмаган жамоанинг плей-офф орқали Германияга йўл олиш имконияти бор эди. Аммо бугун Қозоғистон Грецияга йирик 5:0 ҳисобида мағлуб бўлди. 

Энди грецияликлар "Евро-2024"га чиқиш учун курашни давом эттиради ва кейинги босқичда Грузия билан ўйнайди.