Эрон чемпионати қайта тикланмайди, терма жамоа эса ЖЧ учун тайёргарликни бошлади

Алишер Никимбаевнинг хабар беришича, мамлакат чемпионати энди қайта тикланмайди ва миллий терма жамоа аллақачон шу шанба кунидан Жаҳон чемпионатига тайёргарликни бошлайди.

Маълум қилинишича, тайёргарликнинг биринчи босқичида жамоа Эрон ҳудудида уч ҳафталик йиғин ўтказади. Ҳозирча йиғин манзили аниқ белгиланмаган, асосий эътибор эса футболчиларнинг жисмоний ҳолатини яхшилашга қаратилади.

Шундан сўнг Эрон терма жамоаси иккинчи йиғин учун Туркияга йўл олиши мумкин. Ушбу босқич давомида бир қатор ўртоқлик учрашувлари ҳам режалаштирилган.

Шу тариқа, Жаҳон чемпионатини бойкот қилиш ҳақидаги гап-сўзлар амалда кун тартибидан чиқди. Эрон терма жамоаси мундиалга жиддий тайёргарлик кўришни бошламоқда.

Лига қайта тикланмагани боис, вакилларимизнинг тез орада яна юртимизга қайтишлари кутилмоқда.