Эриксен қайтди, Вегхорст қаҳрамон ва Англиядан кутилмаган натижа (3-кун ўйинлари тугади)

Евронинг 3 та кун ўйинлари ўз ниҳоясига етди. Шу вақтгача давомида бизга жамоалар кўплаб голларни тақдим этишди. Айниқса, очилиш баҳсида Германия - Шотландия (5:1) учрашуви ҳозирча битта беллашувда энг кўп гол киритилган ўйин бўлиб қолмоқда. Аммо сўнгги кун бироз зерикарли ва кутилмаган ҳисоблар билан ўз ниҳоясига етди. 

Поьша - Нидерландия

Биринчи турга йўқотишлар билан етиб келган Польша мураббийлар штаби ҳужумда мажбуран Буксани ўйнатишга қарор қилишди. Страйкер бўлса учрашувнинг 16-дақиқадасидаёқ ҳисобни очди. Орадан кўп ўтмай Гакпо рейд амалга ошириб, зарба йўллади, тўп эса ҳимоячиларга тегиб, голга айланди. Сўнгги дақиқаларда захирадан майдонга тушган Вегхорст жамоасига 3 очко тақдим этувчи голни урди. Польяклар ўз даражасидан келиб чиқиб футбол ўйнашди, таркибда техникаси юқори бўлган футболчилар кам ва мураббийлар ҳам шунга асосланган ҳолда тактика танлаган экан. Куман эса ўз футболини жамоага сингдира олгани кўринди. Айнқса, унинг шогирдлари қисқа паслар билан рақиб жарима майдончаси ичига ёриб киришлари жуда чиройли чиқди. 

Словения - Дания

Турнирдаги илк дуранг ушбу ўйинга тўғри келди. Дастлаб, Эриксен ҳисобни очган бўлса, 77-дақиқада Жанза ажойиб зарбаси билан имкониятларни тенглаштириб қўйди. Данияликлар ўйинда устунлик қилишди, лекин буни ҳисобга кўчира олишмади. Кристиан эса Евроа қайтиш учрашувининг ўзидаёқ нималарга қодир эканлигини кўрсатиб қўйди. Ярим ҳимоячи 7 та хавфли вазият яратиб, 88 фоиз пас аниқлигига эга бўлди. Мазкур дуранг иккала томон учну фожеа ҳисобланмайди. Шу сабабли, улар бир очко розилир. 

Сербия - Англия

Нафақат мазкур турнирда, балки кўп йиллардан бери битта учрашувда бунақа кам зарба берилмаганди. Сербия ўйин давомида Англия эса сўнгги дақиқаларда ҳимояни ўйлаб, ҳаракат қилди. Саканинг ўнг қанотдан ёриб кириши оқибатида Беллингем Евродаги илк голини урди. Шундан кейин инглизлар назоратни қўлга олиб, ҳаракат қилди. Драган шогирдлари Пикфорд дарвозаси томон 6 та зарба йўллаган бўлса, шулардан 5 таси жарима майдончаси ташқарисидан тепилди. Энг қизиғи жамоа 0,17 xGга эга бўлди. Бунақа статистика 1980 йилдан бери Еврода кузатилмаётганди, дея маълум қилди "Sofa Score".

Бугун Евро ўйинларида 6 та гол урилди. Бу турнирнинг биринчи учрашувида урилган голлар сони билан тенгдир. 17 июнь куни бизни Руминия - Украина, Бельгия - Словакия ва Австрия - Франция баҳслари кутиб турибди.