Энцо Фернандес "Реал"га ўтишга тайёр

"Челси" ярим ҳимоячиси Энцо Фернандес фаолиятини Испанияда давом эттиришни истамоқда.

"El Debate" нашри маълумотига кўра, аргентиналик футболчи Мадриднинг "Реал" клуби билан беш йиллик шартнома имзолашга тайёр.

Бироқ трансфер амалга ошишига асосий тўсиқ футболчининг нархи бўлиб турибди. Лондонликлар Энцони 138 миллион еврога баҳоламоқда ва уни арзон нархда қўйиб юбориш ниятида эмас.

Маълумот учун, Фернандеснинг "Челси" билан амалдаги шартномаси 2032 йил ўртасига қадар мўлжалланган.

Аргентиналик ярим ҳимоячи ўтган мавсумда 54 та учрашувда майдонга тушиб, 15 та гол ва 7 та голли узатма муаллифи бўлди.