Энтони Жошуа йил охиригача рингга қайтади

Британиялик машҳур промоутер Эдди Хирн собиқ жаҳон чемпиони — Энтони Жошуанинг 2025 йил тугашидан олдин рингга қайтишини тасдиқлади.

"Matchroom Boxing компанияси 15 ноябрь, 13 декабрь ва 27 декабрь саналарида бокс турнирларини ўтказишни режалаштирган. Жошуа ҳам шу оқшомларнинг бирида жанг қилади”, - деди Хирн "Everything Boxing" нашрига берган интервьюда.

Маълумоту учун, Энтони Жошуа ҳозирда 36 ёш. У профессионал рингда 2013 йилдан бери фаолият юритмоқда. Унинг ҳисобида 28 ғалаба (25 таси нокаут билан) ва 4 мағлубият бор.