Энтони Жошуа Олимпиада чемпионига қарши жанг қилиши мумкин

Оғир вазнда икки карра жаҳон чемпиони Энтони Жошуа (28-4, 25 КО) франциялик Тони Ёка (14-3, 11 КО) билан жанг қилиши мумкин. Бу ҳақда "talkSPORT" нашри хабар бермоқда. 

Айни пайтда 33 ёшни қаршилаган Ёка Рио-де-Жанейрода бўлиб ўтган Олимпиада ғолиби ҳисобланади.  Француз 2017 йилда профессионал боксда дебют қилган. У май ойида бўлиб ўтган сўнгги жангида россиялик Арслан Яллиевни ҳакамларнинг якдил қарор билан мағлуб этди.

Ҳозирда 35 ёш бўлган Энтони Жошуа эса охирги бор сентябр ойида рингга кўтарилиб, ҳамюрти Даниэль Дюбуадан нокаутга учради.