Энг зўр тўпурарлар бизда ўйнаши керак: Навбат Холандга!
- 29-сентябр, 09:46
- Zohir Toshxo’jayev
- 0
- Футбол
“Манчестер Сити” ҳужумчиси Эрлинг Холанд Бундеслига чемпиони “Бавария” нишонига тушди. Мюнхен клуби жамоанинг ҳозирги тўпурари Ҳарри Кейн “Бавария”ни тарк этганидан кейинги даврга тайёргарлик кўрмоқда. Бу ҳақда TEAMtalk хабар берди.
Манба маълумотига кўра, Мюнхен клуби Кейн яна икки-уч йил жамоада қолиши ва янги шартнома имзолашига умид қилмоқда. Шу билан бирга, “Бавария” Холанд билан боғлиқ вазиятни таҳлил қилмоқда.
Бу норвегиялик футболчининг “Манчестер Сити”дан кетиши Кейннинг кейинчалик жамоадан кетиши билан бир вақтга тўғри келган тақдирда, эҳтимолий трансфер вариантини кўриб чиқиш мақсадида амалга оширилмоқда.
“Бавария”дан ташқари, Холанд трансферига “Реал” ва “Барселона” ҳам даъвогарлик қиляпти. Ушбу клублар ҳужумчини 2027 йилнинг ўзидаёқ ўз сафига қўшиб олиш вариантини кўриб чиқиши кутилмоқда.
Transfermarkt маълумотларига кўра, норвегиялик ҳужумчининг бозор қиймати 220 миллион еврони ташкил қилади.