Эндрик битта ҳам ўйин ўтказмай “Лион”да рекорд ўрнатди

“Реал”да ўйин амалиётисиз қолиб кетган бразилиялик иқтидор эгаси Эндрик мавсумнинг иккинчи ярмини ижара асосида Франция чемпионатида иштирок этаётган “Лион” клубида ўтказадиган бўлди.

Лионликлар 19 ёшли ҳужумчни ижарага олганини 23 декабрь куни расман эълон қилди.

Қизиғи шундаки, Эндрик “Лион”да ҳали бир дақиқа ҳам ўйнамай туриб, клуб тарихида из қолдирди.

Бразилиялик юлдузнинг “Лион”га ўтишига бағишланган видеоконтент мухлислар орасида катта қизиқиш уйғотди ва клубнинг ижтимоий тармоқлари тарихида энг кўп томоша қилинган маҳсулот сифатида рекорд қайд этди.

Бу ҳақда The Touchline Х ижтимоий тармоғида хабар берди.

27 декабрь тонгига келиб, Эндрик иштирок этган видеоролик 1,1 миллиондан ортиқ кўрилди ва бу клуб рекорди ҳисобланади.

Эндрик “Лион” сафида 3 январь куни, жамоа “Монако” меҳмони бўладиган учрашувда дебют қилиши кутилмоқда.