Энди “Ливерпуль”дан кетмасам бўлмас!

Англиянинг амалдаги чемпиони “Ливерпуль” ҳужумкор футболчиси Федерико Кьеза мавсум якунланганидан сўнг инглиз клубини тарк этиш ниятида.

Calciomercato нашрининг маълумотига кўра, 28 ёшли футболчи жамоадаги ҳолатидан норози ва Италияга қайтиш имкониятини кўриб чиқмоқда.

Қайд этилишича, трансфер амалга ошиши учун Кьеза ҳозирги кунда йилига тахминан 6–6,5 миллион еврони ташкил этаётган маошини камайтиришга тайёр.

Кьеза 2024 йил ёзида “Ювентус”дан “Ливерпуль”га 10 миллион фунт эвазига ўтган ва муваффақиятли харид, деб баҳоланган.

Бироқ жароҳатлар ва кучли рақобат сабаб у асосий таркибда ўрнашиб қода олмади ва жами 48 та ўйин ўтказиб, бешта гол урди ҳамда бешта голли узатма берди.

Жорий мавсумда у Премьер-лигада фақат бир марта асосий таркибда майдонга тушди. Ўйинчининг шартномаси 2028 йилгача мўлжалланган.