ЕЛ. Ди Мариянинг дубли "Бенфика"га ғалаба олиб келди, "Милан"дан эса йирик ғалаба

Европа лигаси 1/16 финал босқичидан ўрин олган бир қатор учрашувлар бўлиб ўтди.

"Бенфика" - "Тулуза" 2:1

Жумладан, "Бенфика" ўз майдонида "Тулуза"ни қабул қилди. Ди Мария 68-дақиқада пенальтидан ҳисобни очган бўлса, бироз ўтиб Деслер беллашувда мувозанатни тиклади. Асосий вақтга қўшиб берилган дақиқаларнинг саккизинчисида аргентиналик яна 11 метрлик жарима зарбасини голга айлантирди ва Португалия клуби дастлабки беллашувда ғалабани қўлга киритди. 

"Милан" - "Ренн" - 3:0

"Милан" ҳам ўз майдонида ўйин ўтказиб, йирик ғалабани тантана қилди. Бошқа бир француз клуби "Ренн"га қарши беллашувда "россонерилар" рақиб дарвозасига жавобсиз 3 та гол урди. Лофтус-Чикнинг дубли, шунингдек, Леау томонидан киритилган гол Милан жамоасига жавоб учрашуви олдидан катта устунликни таъминловчи ғалабани тақдим этди.