Мингта гол уриб, Роналду ва Мессидан ўтадиган ҳужумчи топилди

“Ливерпуль” клуби ва Англия миллий терма жамоасининг собиқ ҳимоячиси Жейми Каррагер “Манчестер Сити” ҳужумчиси Эрлинг Холанднинг сермаҳсуллиги ҳақида фикр билдирди.

УЕФА Чемпионлар лигаси умумий босқичининг 1-турида “Порту”га қарши учрашувда норвегиялик футболчи дубль қайд этиб, жамоасининг 2:0 ҳисобидаги ғалабасини таъминлади.

- Холанд 1000 та гол урмаслиги ёки барча даврларнинг энг яхши тўпурарига айланмаслигини тасаввур қила олмайман. Сермаҳсуллик ва статистика нуқтаи назаридан бундай нарсани ҳеч қачон кўрмаганман — бу ҳар бир ўйинда содир бўлмоқда. Аммо у буни мунтазам равишда амалга ошираётгани учун, энди бу фавқулодда ҳодисадек туюлмай қўйди.

У Чемпионлар лигасида сафардаги ўйинда икки марта гол урди. Агар буни бошқа бирор ҳужумчи амалга оширганида, бу ажойиб воқеага айланган бўлар эди.

Аммо Холанднинг ҳолатида ҳамма нарса оддий ҳолатдек қабул қилинмоқда. Мен унинг якунда тарихдаги энг буюк тўпурарига айланиши ва ундан олдин ҳеч ким эришмаган даражада кўп гол уришидан бошқа сценарийни кўрмаяпман, - деди Каррагер CBS Sports нашрига.