ЕЧЛ. ПСЖ камбэк амалга ошириб, "Монако"ни мағлуб этди

ЕЧЛнинг плей-офф босқичи доирасидан ўрин олган дастлабки учрашувлар бўлиб ўтди. "Монако" ўз уйида ПСЖни қабул қилиб, 2:3 ҳисобида мағлубиятга учради. 

Дастлаб, Балогун 1 ва 18-дақиқаларда гол уриб, ҳисобни 2:0 кўринишига келтирди. Аммо Дуэ 29-дақиқада ҳисобни қисқартирди. Биринчи бўлим якунланиш арафасида эса Ҳакими орадаги фарқни йўққа чиқарди. 67-дақиқада эса Дуэ яна рақиб дарвозасини ишғол қилди ва парижликларга ғалаба тақдим этди. 

Маълумот учун, жавоб баҳси 25 дан 26 февралга ўтар кечаси бўлиб ўтади.