ЕЧЛ. "Бенфика" "Аякс"дан устун келди, "Галатасарай" эса "Юнион"га енгилди

УЕФА Чемпионлар лигасининг 5-туридан ўрин олган дастлабки икки тўқнашув ўз ниҳоясига етди. 
 
Жозе Моуриньо бошчилигидаги "Бенфика" сафарда "Аякс" билан куч синашиб, 2:0 ҳисобида зафар қучди ва турнирдаги илк очкосини қўлга киритди. 

Тўқнашувнинг 6-дақиқасидаёқ Самуэль Даль ҳисобни очишга муваффақ бўлди. 90-дақиқада эса Леандру Баррейру жамоасининг иккинчи голига муаллифлик қилиб, ўйин тақдирини ҳал қилди.
 
Туркиянинг гранди ҳисобланган "Галатасарай" эса ўз уйида "Юнион" билан тўқнаш келиб, 1:0 ҳисобида мағлубиятга учради. Беллашувдаги ягона гол ҳам 57-дақиқада Промис Акинпелу томонидан киритилди.