Дзюдо. Диёра Келдиёровада яна олтин! Сита Қадамбоева бронза медалини қўлга киритди
- 4-ноябр 2022, 20:21
- Baxtiyorjon Toshtemirov
- 0
- Дзюдо
Бокуда бўлаётган дзюдо бўйича “Катта дубулға” турнирининг дастлабки кунида Ўзбекистон терма жамоаси битта олтин ва битта бронза медалини қўлга киритди. Бу ҳақда МОҚ матбуот хизмати хабар тарқатмоқда.
Жумладан, аёллар ўртасида Диёра Келдиёрова -52 кг вазн тоифасида олтин медални қўлга киритди. Ҳамюртимиз ҳал қилувчи баҳсда мўғулистонлик Сосорбарам Лхагвасурен устидан ишончли ғалабага эришди. Ушбу муваффақият самарқандлик дзюдочимиз учун Париж-2024 Олимпиадаси йўлида 500 рейтинг очкосини тақдим қилади.
Шунингдек, Сита Қадамбоева (-52 кг) бронза медали учун баҳсда полшалик Александра Калета устидан ғалаба қозонди. Бу Қадамбоева учун фаолиятида “Катта дубулға” турнирларидаги илк медал бўлди.
Афсуски, Кемран Нуриллаев (-60 кг) учунчи ўрин учун баҳсда имкониятни бой бериб, мусобақани кучли бешликда якунлади.