Дзюдо бўйича Тошкент "Катта дубулға" турнири якунига бағишланган матбуот анжумани ўтказилди (Фото)

Бугун Ўзбекистон Миллий Олимпия қўмитасида дзюдо бўйича Тошкент “Катта дубулға” турнирининг якунлари ва терма жамоамизнинг янги Олимпия циклидаги режалари мавзусида матбуот анжумани ташкил этилди.

Унда МОҚ Бош котиби Ойбек Касимов, Қўмита раиси ўринбосари Шерзод Ташматов, мамлакат дзюдо федерацияси раиси Азизжон Камилов ҳамда ОАВ вакиллари иштирок этишди. Тадбирда Азиз Камилов спортчиларимизнинг иштироки, келгусида Тошкентда бошқа йирик мусобақаларни ҳам ўтказиш, клублар фаолиятини жадаллаштириш каби йўналишларда атрофлича маълумот берди.

Шунингдек, МОҚ расмийлари мамлакат дзюдо федерацияси билан ҳамкорликда янги Олимпия циклига тайёргарлик бошлаб юборилганини билдиришди. Қолаверса, анжуманда терма жамоамизда иш бошлаган мураббийлар Андрей Штурбабин ҳамда Алексеи Будолин (Эстония) таништирилди.

Қуйида маросимдан фотолавҳаларни томоша қилинг: