Дунёдаги энг қиммат футболчилар рўйхати чиқди

Футболчиларнинг трансфер қийматини баҳолашга ихтисослашган Transfermarkt портали бозор қийматларининг навбатдаги оралиқ янгиланиши натижаларига кўра, дунёдаги энг қиммат футболчилар рейтингини тузди.

Рўйхатдаги етакчилик Норвегия терма жамоаси ва «Манчестер Сити» ҳужумчиси Эрлинг Холанд ҳамда Испания терма жамоаси ва «Барселона» вингери Ламин Ямалга тегишли. Ҳар икки футболчининг бозор қиймати 220 миллион еврони ташкил этади. Мадриднинг «Реал» клубида ўйнаётган француз ҳужумчиси Килиан Мбаппе эса 200 миллион еврога баҳоланган.

2026 йил 9 октябрь ҳолатига кўра, Transfermarkt маълумотлари асосида дунёдаги энг қиммат футболчилар рейтинги:

Эрлинг Холанд («Манчестер Сити») — 220 миллион евро.

Ламин Ямал («Барселона») — 220 миллион евро.

Килиан Мбаппе («Реал Мадрид») — 200 миллион евро.

Майкл Олисе («Бавария») — 180 миллион евро.

Жуд Беллингем («Реал Мадрид») — 160 миллион евро.

Педри («Барселона») — 150 миллион евро.

Жоау Невеш («ПСЖ») — 140 миллион евро.

Хвича Кварацхелия («ПСЖ») — 140 миллион евро.

Витинья («ПСЖ») — 140 миллион евро.

Винисиус Жуниор («Реал Мадрид») — 130 миллион евро.