Дрикус Дю Плесси: "Хамзат Чимаев жангдан беш ҳафта олдин мен бутун ҳаётим давомида қилган ишни бажаришни бошлабди"

Ўрта вазнда амалдаги UFC чемпиони Дрикус Дю Плесси бўлажак рақиби, чеченистонлик Хамзат Чимаев ҳақида гапириб ўтди. 

"Кўпчилик Чимаевнинг кардиоси яхшилангани ва бу менга қарши баҳсда маҳфий қурол бўлишини айтяпти. Яна одамларнинг гапига қараганда, Хамзат янги мураббий билан жуда қаттиқ машқ қилмоқда. Мен унинг учун хурсандман – Хамзат жангдан беш ҳафта олдин мен бутун ҳаётим давомида қилган ишни бошлабди. У ҳозир қилаётган қаттиқ меҳнат – мен ҳар бир жангим олдидан қиладиган оддий иш. Бу мен учун янгилик эмас. Тўғри, Чимаев ажойиб жангчи, бироқ мен уни мағлуб этиб, дунёни яна лол қолдираман", – деди чемпион Ариэль Хелвани билан интервьюда.

Эслатиб ўтамиз, Дю Плесси (23-2) ва Чимаев (14-0) ўртасидаги тўқнашув 17 август куни "UFC 319" турнирида ташкил этади.