Доннарумма ўзини “Сити”га ўтишга қайси юлдуз кўндирганини очиқлади

“Манчестер Сити”нинг италиялик дарвозабони Жанлуижи Доннарумма жамоа ҳужумчиси Эрлинг Холанд уни “Пари Сен-Жермен”дан “шаҳарликлар” сафига кўчиб ўтишга  кўндирганини маълум қилди.

- Холанд мени бу ерга келишга жуда узоқ вақт давомида кўндирди. Мен Хосеп Гвардиола қўл остида ўйнаётганимдан хурсандман, - деди Доннарумма Calciomercato нашрига.

2025 йил 1 сентябрда дарвозабон билан шартнома имзолангани эълон қилинган эди. Трансфер қиймати  35 миллион еврони ташкил қилди. 26 ёшли Доннарумма инглиз клуби билан 2030 йил ёзигача шартнома имзолади.

Аввалроқ, Халқаро футбол тарихи ва статистикаси федерацияси (IFFHS) Жанлуижи Доннаруммани 2025 йилнинг энг яхши дарвозабони, деб эътироф этгани хабар қилинган эди.