Дмитрий Бивол энди мутлақ жаҳон чемпиони эмас!
- 8-апрел 2025, 20:22
- Ahmadbek Eshmatov
- 0
- Бокс
Яримоғир вазн тоифасида WBA, WBC, WBO, IBF, The Ring ва IBO йўналишлари чемпиони бўлиб турган Дмитрий Бивол энди мутлақ жаҳон чемпиони эмас.
Ган шундаки, россиялик боксчи WBC чемпионлик камарини вакант, яъни эгасиз қолдирди. У бу билан вақтинчалик WBC камари соҳиби, мексикалик Дэвид Бенавидес билан жанг қилишдан воз кечди.
Дмитрийнинг бундай қарорга келиши унинг ҳамюрти Артур Бетербиевга қарши учинчи жангни ўтказиши билан боғлиқ. Бивол 23 февраль куни Ар-Риёд (Саудия Арабистони) шаҳрида ўтган реванш жангида Бетербиевни очколар ҳисобига кўра мағлуб этиб, яримоғир вазнда мутлақ жаҳон чемпионига айланганди. Турки ал-аш-Шейх кузда бу икки боксчининг учинчи жангини ўтказмоқчи.
Бу хақда Ўзбекистон бокс федерацияси хабар бермоқда.
Дарвоқе, энди биргина мутлақ жаҳон чемпиони қолди - Наоя Иноуэ! Балки, Муроджон Аҳмадалиев японияликни бу унвондан маҳрум қилар?!