Диёр Холматов: "Рақибни ўрганиб чиқдик ва шунга яраша тайёргарлик кўрдик"

Бугун Ўзбекистон Суперлигаси 18-туридан ўрин олган  "Навбаҳор" – "Насаф" баҳси бўлиб ўтади. Беллшув олдидан "лочинлар"нинг 24 ёшли ярим ҳимоячиси Диёр Холматов клуб матбуот хизматига фикрлари билан ўртоқлашди.

"Бўлажак учрашувда чиройли ўйин намойиш этиб, ғалабали сериямизни давом эттирган ҳолда, мухлислар ва бизга барча шароитларни яратиб бераётган Наманган вилояти ҳокимига қувонч улашиш ниятидамиз ҳамда буни амалга ошириш учун қўлимиздан келганича ҳаракат қиламиз.

Бу сафарги рақибимиз – “Насаф” кучли жамоа ва таркибида маҳоратли футболчилар бор. Биз рақибни ўрганиб чиқдик ва шунга яраша тайёргарлик кўрдик. Худо ҳоҳласа, қаршиликларни мағлубиятга учратиб, жамоамиз ишқибозларини хурсанд қиламиз, - деди Холматов.