"Динамо" "Навбаҳор"дан ижрага футболчи олди

Суперлига иккинчи даврасига Чимён тоғли ҳудудида тайёргарлик кўраётган “Динамо” жамоаси ўз таркибини янада кучайтиришга интилмоқда.

Биринчи даврани “Навбаҳор” жамоаси сафида ўтказган ҳужумчи Баҳодир Насимов “Динамо” клубига қайтди. 32 ёшли форвард шартномани узайтириш ҳуқуқи билан “Навбаҳор”дан ижарага олинди. Бу ҳақда клуб матбуот хизмати хабар берди.

Самарқанд футболи тарбияланувчиси бўлмиш Баҳодир Насимов 2009 йилда 22 ёшида “Динамо”дан Россиянинг “Рубин” клуби сафига ўтган эди. Орадан 10 йил ўтиб, Россия Премьер-Лигаси, Озарбайжон, Эрон, Жанубий Корея чемпионатларида тўп суриб, шунингдек “Бунёдкор”, “Бухоро”, “Навбаҳор” клубларида ҳам фаолият кўрсатди ва куни кеча “Динамо” клуби билан келишувга эришди.