Дин Хаусен чарчоқ ва босим туфайли қийналмоқда

"Реал" ҳимоячиси Дин Хейсен ҳозирда чарчоқ ва катта босим туфайли қийналмоқда.

"The Athletic" маълумотига кўра, Хаусен "Мадрид"да энг кўп дам олиш имконияти етишмаган футболчилардан бири ҳисобланади. Шанба куни, "Севилья"га (2:0) қарши "Сантьяго Бернабеу"даги учрашувда 20 ёшли футболчи мухлислар томонидан ҳуштак овози билан кутиб олинди. Уйин давомида эса диққатни йўқотиши натижасида "Севилья" ҳисобни очишга яқин келди.

Ҳозир Хаусен катта босим остида. "Борнмут"дан 50 миллион фунтга кўчиб ўтганидан бери у кутилган барқарор яхши формани намойиш қила олмади, шу билан бирга учта мушак жароҳати билан ҳам курашишига тўғри келди.

Футболчига яқин манбаларнинг айтишича, мухлислар 2025 йил давомида у клуб ва терма жамоа сафида 50 та ўйинда қатнашиб, қанчалик чарчоқни ҳис қилганини тўлиқ англамаган бўлиши мумкин.

Шунинг учун Дин Хаусен атрофидагилар унинг жисмоний ҳолатини тиклаш ва қайта юкланиш учун вақт керак деб ҳисобламоқда.