Дембеле ёки Ямал? Погба "Олтин тўп" учун асосий номзод кимлигини айтди

Поль Погба Усмон Дембелени "Олтин тўп" учун асосий номзод деб ҳисобламоқда.

"Монако" ярим ҳимоячиси ундан мукофот учун курашда энг кучли бешта номзодни айтиб бериш сўралганда, франциялик футболчи ПСЖдан Дембеле, Ашраф Ҳакими ва Витиньяни, "Реал"дан Килиан Мбаппени ҳамда "Барселона"дан Ламин Ямални тилга олди.

Погбадан Дембеле ва Ямал ўртасида танлов қилиш сўралганда, Поль Усмон доимо Ламиндан бир қадам олдинда бўлишини таъкидлади: "У жуда ажойиб ўйин кўрсатди, Чемпионлар Лигасини қўлга киритди, жамоа учун бу мукофот жуда муҳим эди. Усмон кўплаб гол урди, ҳал қилувчи ўйинларда ўзини намоён қилди. Бу унинг йили. Агар Дембеле ҳозир ғолиб бўлмаса, бошқа ҳеч қачон бу совринни қўлга кирита олмайди."