Деклан Райс: "Бекор қилинган пенальти тушунарсиз қарор бўлди"
- 30-апрел, 13:51
- Bilolbek Imomov
- 0
- Футбол
"Арсенал" ярим ҳимоячиси Деклан Райс "Атлетико Мадрид"га қарши ўйинда (1:1) бекор қилинган пенальти ҳақида фикр билдирди.
Учрашувнинг 78-дақиқасида бош ҳакам Данни Маккели лондонликлар фойдасига пенальти белгилаган эди. Вазиятда Давид Xанцко жарима майдонида тўпга биринчи бўлиб етиб келган Эберечи Эзенинг оёқ қисмига тегиб кетган.
Бироқ VAR билан мулоқотдан сўнг ва эпизодни қайта кўриб чиққач, ҳакам ўз қарорини ўзгартирди.
"Ҳар икки жарима майдонида жуда эҳтиёткор бўлиш керак, чунки бу ҳолатларда деярли ҳаммаси учун пенальти беришяпти. Бу аниқ пенальти эди. Нима учун берилмаганини тушунмадим. Менимча, мухлислар босим ўтказиб, ҳакамни қарорини ўзгартиришга мажбур қилди. АПЛда бундай қарор қабул қилинмас эди", — деди Райс.
Изоҳлар (0)
Ҳозирча изоҳлар йўқ