Деклан Райс "Арсенал" билан шартномасини узайтириши мумкин

Лондоннинг "Арсенал" клуби ярим ҳимоячиси Деклан Райс яқин келажакда клуб билан янги шартнома имзолаши мумкин.

"Arsenal Radar" маълумотига кўра, футболчининг амалдаги битими 2028 йилгача мўлжалланган бўлса-да, клуб раҳбарияти хавбек билан янги келишувни муҳокама қилишни режалаштирмоқда. Бироқ ҳозирча томонлар асосий эътиборни мавсум ўйинларига қаратгани сабабли, аниқ музокаралар кейинроқ ўтказилади.

"Арсенал" Райсни 2023 йил ёзда "Вест Хэм"дан олиб келган эди. Жорий мавсумда 27 ёшли футболчи Микель Артета жамоаси сафида 52 та учрашув ўтказиб, 5 та гол ва 11 та голли узатмани амалга оширди.