Де Зерби: "Тоттенхэм" курашни тўхтатмаслиги керак"

"Тоттенхэм" бош мураббийи Роберто Де Зерби АПЛ доирасида "Астон Вилла" устидан 2:1 ҳисобидаги ғалабадан сўнг ўз фикрлари билан ўртоқлашди.

35 турдан кейин "шпорлар" турнир жадвалида 17-ўринни эгаллаб турибди.

"Биз икки голдан кўпроқ уришимиз мумкин эди, айниқса биринчи бўлимда. Рақибга деярли имконият бермадик ва жуда яхши ўйнадик. Майдондаги тўғри кайфият ва интизом — ўйиндан мамнунман.

Бу ўйиндан олдин ҳам футболчиларим жуда яхши эканини билардим. Биз "Вулверхэмптон"га қарши ўйин (1:0) олдидан қандай ҳолатда бўлганимизни унутмаслигимиз керак. Мавсум ҳали тугамади ва фақат икки ғалаба билан чекланиб қолмаслигимиз лозим. Шу кайфиятда ишлашда давом этишимиз шарт.

Менимча, асосий вазифам — футболчиларга ўз сифатларини кўрсатишга ёрдам бериш. Уларнинг даражаси омон қолиш учун курашиш эмас, аммо бу ҳолатни қабул қилиб, кўп гапирадиганлардан кучлироқ бўлишимиз керак.

Биз босимни ҳис қилишни тўхтатмаслигимиз керак. Вазият ҳар ҳафта ўзгариши мумкин. Жадвалдаги ўрнимизни ва "Вулвс"га қарши ўйин олдидан нимани ҳис қилганимизни унутмаслигимиз лозим. Курашни давом эттирамиз", — деди мутахассис.