Де ла Фуэнте: "Роналду футбол афсонаси бўлиб қолади"

Хабарингиз бор, бугун Де ла Фуэнте бошчилигидаги Испания терма жамоаси Миллатлар лигаси финал учрашувида Португалияга қарши майдонга тушади. Ушбу беллашувдан олдин испаниялик мутахассис матбуот анжуманида иштирок этиб, рақиб жамоанинг сардори ҳисобланган Криштиану Роналду ҳақида ўз фикрлари билан ўртоқлашди. 
 
Илгари Роналду ҳам Испания терма жамоасини дунёдаги энг яхши жамоалардан бири деб таърифлаган эди. 
 
"Мен доимо мен учун муҳим бўлган инсонларнинг эътирофи ва меҳрини ҳис қилганман ва унинг сўзларини жуда қадрлайман. Ўз навбатида, унга ҳурматимни изҳор этмоқчиман. У футбол афсонаси ва ўйиннинг чин қадриятларини тарғиб қилувчи шахсдир. У барчамиз учун ибрат. 
 
Биз тарихда ўчмас из қолдирган инсон бошчилик қилаётган Португалияга қарши ўйнаш шарафига муяссар бўлдик" - деди Испания терма жамоаси бош мураббийи. 
 
Эслатиб ўтамиз, бўлажак тўқнашув Тошкент вақти билан 00:00 да старт олиши режалаштирилган.