Давид Райя "Арсенал" тарихидаги рекордни такрорлади

“Арсенал” дарвозабони Давид Райя АПЛдаги қуруқ ўйинлар бўйича клуб рекордини такрорлади.

37-турда “Бёрнли”га қарши кечган учрашувда испаниялик голкипер ўз дарвозаси дахлсизлигини сақлаб қолди. Микель Артета шогирдлари баҳсда 1:0 ҳисобида ғалаба қозонди.

Бу Райянинг жорий мавсумдаги 19-қуруқ ўйини бўлди. “Арсенал” тарихида бунгача фақат Дэвид Симэн шундай натижа қайд этган эди. Афсонавий дарвозабон бу натижага 1993/94 ва 1998/99 мавсумларида эришган.

Шу тариқа, “Кристал Пэлас”га қарши сўнгги тур учрашувида Райя ушбу рекорднинг якка пешқадамига айланиши мумкин.