Дарвин Нуньес Англияга қайтиши мумкин

Саудия Арабистонининг "Ал-Ҳилол" клубида тўп сураётган уругвайлик ҳужумчи Дарвин Нуньес яна Англия Премьер-лигасига қайтиши мумкин.

"Mundo Deportivo" нашри маълумотига кўра, форвардга Лондоннинг 'Челси" клуби қизиқиш билдирмоқда.

Манба таъкидлашича, "кўклар"нинг янги бош мураббийи Хаби Алонсо Нуньесни ҳужум чизиғида рақобатни кучайтириш учун таркибга қўшиб олмоқчи. Испаниялик мутахассис уни Жоау Педро учун муносиб рақобатчи сифатида кўрмоқда.

Дарвин Нуньеснинг "Ал-Ҳилол" билан амалдаги шартномаси 2028 йил ўрталарига қадар мўлжалланган.

Уругвайлик футболчи ўтган мавсум Саудия клуби сафида 24 та учрашувда иштирок этиб, 9 та гол урди ва 5 та голли узатма муаллифи бўлди.