Даниэль Корьме: "Алекс Перрейра Магомед Анкалаевга қарши жангга жиддий қарамаяпти"

Икки вазн тоифасида UFC собиқ чемпиони Даниэль Корьме ярим оғир вазн тоифасидаги амалдаги чемпион Алекс Перрейрани танқид қилди.

“Перрейра ҳозир  Австралияда. У ерда нима қиляпти, ҳайронман. Икки ҳафтадан сўнг Алекс Магомед Анкалаевга қарши жанг қилади! Россиялик аллақачон Лас-Вегасда, у билан ўтган ҳафта  учрашдим. Ростини айтсам, унинг диққати жойида, ғалаба қозонишга тайёр. Мен Австралиядан қайтганимда, бир ҳафта бу ерга мослашишим қийин бўлди. Эҳтимол, бразилияликда бу бўйича муаммо бўлмас, бироқ жангга жиддийроқ қараш лозим" - деди Корьме "ESPN" телеканалига берган интервьюсида.

Эслатиб ўтамиз, Перрейра ва Анкалаев жанги 9 март куни Лас-Вегасда, "UFC 313" турнирида бўлиб ўтади.