Даниэль Кормье: “Агар Жейк Пол Фрэнсис Нганнуга қарши рингга чиқса, боши сайёрадан учиб кетади”

ММА афсонаси Даниэль Кормье блогер-боксчи Жейк Пол ва UFC собиқ чемпиони Фрэнсис Нганну ўртасидаги эҳтимолий жанг ҳақида гапирди.

“Пол, агар сен Энтони Жошуа ёки Тайсон Фьюри даражасида бўлмасанг, Фрэнсисдан узоқроқ юр. У сен билан рингга чиқса, бошинг сайёрадан учиб кетади. Бироқ жасоратинг учун ҳурмат билдириш керак”, — деди Кормье "Bloody Elbow" нашрига.

Аввалроқ, Нганну Жейк Пол билан жангни жиддий рақобат сифатида кўрмаслигини айтган эди.