Чехиядаги турнирда ММА жангчиси рақибининг қулоғини тишлаб олди
- 9-феврал, 20:59
- Javohir Malikov
- 0
- MMA
7 февраль куни Чехиянинг Брно шаҳрида "Clash MMA 15" турнири бўлиб ўтди.
Кечанинг марказий тўқнашувида словакиялик Павол Васко ва чехиялик Вацлав Микулшекни ўзаро тўқнаш келди. Бироқ кутилмаган ғалати ҳолат юз берди.
Биринчи раундда Вацлав "тейкдаун"га ҳаракат қилган пайти Павол унинг қулоғидан тишлаб олди. Словакиялик жангчи майдонни тарк этиши билан Микулшекнинг қулоғидан дарҳол қон кета бошлади. Аммао Васко кийиниш хонасига йўл олганида, унга мухлислар ҳужум қилишди. Ҳатто бир мухлис унга стул ҳам отди. Ушбу кескинлик Паволни аренадан қочишга мажбур қилди.
Маълумот учун, мазкур баҳс ушбу жангчилар учун реванш эди. Иккиси ўртасидаги биринчи жанг 2025 йилнинг декабрь ойида бўлиб ўтган ва ўшанда словакиялик биринчи раунддаёқ дисквалификация қилинган эди.