Чемпионлик учун курашаётган жамоалар “Ливерпуль” ҳужумчисини сўраяпти

Жорий мавсум Италия чемпионатида бош соврин учун курашаётган “Рома” ва “Наполи” қишки трансферлар ойнаси ёпилгунига қадар ҳужум чизиғини кучайтиришга уриняпти.

Ҳар икки клуби А Серияда ўз имкониятларини намойиш қилган Федерико Кьезани нишонга олган. Италиялик қанот ҳимоячиси “Ливерпуль”га келганидан бери жамоанинг муҳим бўлагига айлана олгани йўқ.

Рим ва Неаполь клублари мерсисайдликлардан 28 ёшли футболчининг трансфер маълумотларини сўрагани ҳақида таниқли журналист Николо Скира X ижтимоий тармоғида хабар берди.

Манбага кўра, Кьезанинг ўзи “Ливерпуль”да қолишни истайди, аммо мерсисайдликлар сафида етарлича ўйин амалиётига эга эмас.

Жорий мавсумда Кьеза барча мусобақалар доирасида 18 та ўйин ўтказиб, 2 та гол ва 3 та голли узатма қайд этди. У жами 392 дақиқа майдонда бўлди. Футболчининг “Ливерпуль” билан амалдаги шартномаси 2028 йил ёзигача мўлжалланган. Transfermarkt порталига кўра, Кьезанинг бозор қиймати 18 миллион еврони ташкил этади.