Чемпионлар лигасининг гуруҳ босқичида қолиб кетган "Наполи" ички чемпионатда "Фиорентина"ни енгди

Италия А Сериясининг 23-турида Антонио Конте бошчилигидаги "Наполи" ўз майдонида "Фиорентино"ни қабул қилиб, 2:1 ҳисобига мағлубиятга учратди. 
 
Дастлаб, тўқнашувнинг 11-дақиқасида Антонио Вергара неаполликларни ҳисобда олдинга олиб чиқди. 49-дақиқага келиб "Реал Мадрид"нинг собиқ футболчиси ҳисобланган Мигель Гутьеррес орадаги фарқни 2 тага етказиб қўйди. "Фиорентино" эса орадан 10 дақиқа ўтиб, фарқни қисқартиришга муваффақ бўлди. Гол муаллифи - Манор Соломон! 
 
Маълумот учун, "Наполи" ушбу ғалабадан сўнг очколар сонини 46 тага етказиб олиб, 3-ўринга кўтарилди.