Чемпион жамоа ўз юлдузини сотиб юборади

Франциянинг L'Équipe нашри хабар беришича, ҳужумчи Брэдли Баркола ёзда Париж клубини тарк этиши мумкин.

“Пари Сен-Жермен” раҳбарияти 23 ёшли футболчи билан шартномани узайтириш бўйича музокара олиб борган, аммо 2025-2026 мавсуми охирида бу жараён тўхтатилган.

Томонлар янги келишув бўйича бир қарорга кела олмаган.

Шунинг учун Париж клуби футболчини ушлаб қолиш учун қаттиқ ҳаракат қилмайди ва яхши таклиф келса, уни қўйиб юборишга тайёр.

Брэдли Барколага Англиянинг икки гранди —“Арсенал” ва “Ливерпуль”жиддий қизиқиш билдирмоқда.