Чемпион жамоа Аргентина юлдузи учун катта сумма бермоқчи

Италиянинг амалдаги чемпиони “Интер” клуби Аргентина миллий терма жамоаси ва Лондоннинг “Тоттенхэм” клуби марказий ҳимоячиси Кристиан Ромерони ўз сафига қўшиб олишни жиддий режалаштирмоқда.

Инсайдер Жанлуижи Лонгарининг ижтимоий тармоқларда маълум қилишича, клублар ўртасида эҳтимолий трансфер юзасидан музокаралар бўлиб ўтган. “Нерадзурри” раҳбарияти 28 ёшли футболчи учун тахминан 40 миллион евро тўлашга тайёр.

Ромеро 2022 йил август ойидан буён Лондон жамоаси сафида тўп суриб келмоқда. Унинг амалдаги шартномаси 2029 йил июнь ойи охиригача амал қилади.

Transfermarkt портали футболчининг бозор қийматини 50 миллион евро деб баҳолаган.