Чемпион “бир ўқ билан икки қуён”ни урмоқчи

Англиянинг амалдаги чемпиони “Ливерпуль” ёзги трансферлар даврида мураккаб, шу билан бирга ўта манфаатли рокировкага қўл урмоқчи.

Сўнгги маълумотларга қараганда, бош мураббий Арне Слот ўз жамоасига “Наполи”га тегишли бўлган тўпурар Виктор Осимхенни олиб келмоқчи. “Ливерпуль” клуби мутасаддилари эса, нигериялик ҳужумчини олиш йўлларини қидиряпти.

Ҳозирча, улар рокировка усулини қўллаш вариантини илгари  сурмоқда. TEAMtalk нашрининг ёзишича, ливерпулликлар Арне Слотга керак бўлмай қолган икки ҳужумкор футболчи – Дарвин Нуньес ва Федерико Кьезани Италия чемпиони сафига жўнатмоқчи.

“Қизиллар” бу икки ўйинчиси ўрнига неаполликлар билан муросаси бузилган Осимхенни оладиган бўляпти.

Манбага кўра, ливерпулликлар бу вариант бўйича “Наполи” мутасаддилари ва Осимхеннинг агентлари билан музокараларни бошлаб юборган.