"Челси"га қарши муҳим ўйинда "Реал"нинг икки юлдузи иштирок этмайди (фото)

Эртага Европа Чемпионлар лигаси чорак финал босқичидан ўрин олган жавоб учрашувлари бўлиб ўтади.

Хусусан, "Реал" Мадридда амалдаги чемпион "Челси"ни қабул қилади. Мазкур беллашув учун "қироллик клуби"нинг кенгайтирилган рўйхати эълон қилинди. Ундан 23 нафар футболчи ўрин олган.

Анчелотти қайдномага коронавирус сабаб Хесус Вальехо, жароҳат туфайли Иско ҳамда дисквалификацияга учрагани учун Эдер Милитаони кирита олмади. Маълумот учун, "қаймоқранглилар"нинг "аристократлар"га қарши беллашуви 12-дан 13 апрелга ўтар кечаси 00:00 да бошланади.