"Челси" ва "Ливерпуль" "Сандерленд" дарвозабони учун курашмоқда

"Сандерленд" дарвозабони Робин Руфсга Англия Премьер-лигасининг икки гранди қизиқиш билдирмоқда.

"The Sun" маълумотига кўра, нидерландиялик голкиперни ўз сафига қўшиб олишни “Челси” ва “Ливерпуль” истамоқда. Эҳтимолий трансфер қиймати тахминан 60 миллион евро атрофида баҳоланмоқда.

Руфс ўтган ёзда клуб сафига қўшилган эди. Унинг клуб билан амалдаги шартномаси 2030 йил июнь ойи охиригача мўлжалланган.

Жорий мавсумда дарвозабон 36 та учрашувда майдонга тушиб, 46 та гол ўтказиб юборди. Шу билан бирга, у 11 та ўйинда ўз дарвозаси дахлсизлигини сақлаб қолган.