“Челси” икки ҳужумчисидан бирини сотувга қўяди

Англия Премьер-лигасининг кейинги мавсумига тайёргарлик кўраётган “Челси” клуби бу ёзда ҳужумчиларидан бирини сотишни режалаштирмоқда. Танлов икки футболчи – Лиам Делап ва Николас Жексон ўртасида бўлади.

Ҳозирда жамоанинг янги бош мураббийи Хаби Алонсо ихтиёрида тўрт нафар ҳужумчи бор. Улардан бразилиялик Жоао Педро “дахлсиз” ҳисобланади. Марк Гиу эса мураббий режаларига кирмайди ва ижарага ёки бутунлай бошқа клубга кетиши кутилмоқда.

Шундан сўнг, “Челси” Делап ва Жексон масаласини ҳал қилиб, улардан бирини танлаши керак бўлади. Лиам Делап бир йил аввал “Ипсвич Таун”дан 30 миллион фунт стерлингга сотиб олинган, аммо ўтган мавсумда Премьер-лигада атиги битта гол урди холос. Сенегаллик Николас Жексон эса “Бавария”даги ижара муддатидан кейин яна “Стэмфорд Бридж”га қайтди. Мюнхенликлар уни тўлиқ трансфер қилиш ҳуқуқидан фойдаланмасликка қарор қилди.

Делапнинг мавсуми муваффақиятсиз ўтган бўлса ҳам, унга қизиқиш юқори бўлиб қолмоқда. Премьер-лиганинг камида икки клуби 23 ёшли инглиз ҳужумчисини ўз сафига қўшиб олишни истамоқда.