“Челси” ҳимоячисини Испанияга жўнатди

“Челси” ҳимоячи Мамаду Саррнинг Испаниянинг “Реал Сосьедад” клубига ижарага ўтганини эълон қилди.

Лондонликлар Саррни ўтган ёзда “Страсбур”дан 12 миллион фунт эвазига сотиб олган эди. Клублар ўртасидаги келишувдан кейин Мамаду клублар ўртасидаги жаҳон чемпионатида “Челси” билан ғолиб чиқди, шундан сўнг француз клубига ижара асосида қайтди.

Қишки трансфер ойнаси якунига яқин ҳимояда футболчилар танқислигига дуч келган “Челси” Саррни “Страсбур”дан муддатидан олдин қайтариб олди. Шундан бери 20 ёшли сенегаллик футболчи  лондонликлар сафида 6 та учрашув ўтказди.

Леви Колуиллнинг жароҳатдан тузалиши ва Максанс Лакруанинг жамоага келиши Саррнинг “Челси”да ўйин амалиётига эга бўлиш имкониятларини янада камайтирди.

Шунинг учун Мамаду Сарр 2026/27 йилги мавсумни “Реал Сосьедад”да тажриба орттириш билан ўтказади.