“Челси” футболчилари жаҳон чемпионлиги учун қанча мукофот пули олди?

ФИФА томонидан янги форматда ўтказилган ва АҚШ мезбонлик қилган клублар ўртасидаги жаҳон чемпионати мухлисларда катта қизиқиш уйғотди.

Дунёнинг турли минтақаларидан 32 та жамоа иштирок этган мусобақада Европа жамоалари яна ўз устунлигини кўрсатди. Финалда “Челси” вакиллари Европа Чемпионлар лигасининг амалдаги ғолиби “Пари Сен-Жермен”ни 3:0 ҳисобида мағлубиятга учратди.

Transfer News Live ва The Telegraph нашрларининг маълум қилишича, “Челси” раҳбарияти мусобақа иштирок этган ҳар бир ўйинчига 350 фунт стерлингдан (402 минг евро) мукофот пули ажратишга қарор қилган.

Яқинда “Челси” клублар ўртасидаги жаҳон чемпионатидаги ғалабаси эвазига 114,6 миллион евро даромад қилгани ҳақида маълумотлар тарқатилган эди.

ФИФА шафеълигидаги кейинги чемпионат 2029 йили ўтказилади. Бўлажак мусобақада ПСЖ мусобақанинг амалдаги ғолиби сифатида чемпионлик унвонини ҳимоя қилиши керак.