"Челси" Филипе Луисни бош мураббийликка асосий номзод сифатида кўриб чиқмоқда

Лондоннинг "Челси" клуби бош мураббий лавозимига бразилиялик мутахассис Филипе Луисни тайинлаш имкониятини ўрганмоқда.Бу ҳақда Фабрицио Романо маълумот берди.

40 ёшли мураббий март ойи бошида "Фламенго"ни тарк этганидан бери ишсиз ҳисобланади. Клуб раҳбарияти уни жиддий номзодлардан бири сифатида кўрмоқда.

Филипе Луис футболчи сифатида энг кўп "Атлетико Мадрид" таркибидаги даври билан танилган. У 2014 йилда ҳимоячи сифатида "Челси"га ўтган, бироқ бир йил ўтиб яна Мадрид клубига қайтган.

Лондон клуби апрель ойи охирида Лиам Росеньор билан ҳамкорликни якунлаган эди. Янги доимий бош мураббий эса жорий мавсум тугаганидан кейин тайинланиши кутилмоқда.