“Челси” бош мураббийликка учта мутахассис танлади

Мавсумни кутилган даражада ўтказа олмаётган “Челси” янги бош мураббий лавозими учун уч асосий номзодни белгилади.

Андони Ираола, Марку Силва ва Хаби Алонсо асосий вариантлар ҳисобланади. Биринчи икки мураббийнинг “Борнмут” ва “Фулхэм” билан шартномаси мавсум охирида тугайди, Хаби Алонсо эса январда “Реал Мадрид”дан кетганидан бери ишсиз.

Қисқа рўйхатда бошқа номзодлар ҳам бўлади, аммо муҳими, клуб Лиам Росеньор билан хайрлашгач, қандай профилдаги мураббий кераклигини аниқлаб олди. Лондонликлар Премьер-лига тажрибасига эга ёки юқори даражада ишлаган мутахассис билан ишлашни истамоқда.

Клуб шошилмайди, чунки мавсум охиригача биринчи жамоани Калум Макфарлейн бошқаради.